داري دمعك وخبي واياك تضعف ياقلبي

دارى دمعك وخبى
وروح بارك ياقلبى
اياك تضعف وتبكى
لتجرح قلب حبيبى

متكونش ياقلبى جانى
متكونش سبب عذابي
حاول تبعد وتنسى
الحب اللي عليا جاني

ابعد ولو ثوانى
انسى الشوق والأمانى
يمكن ترجع بفرحه
تلاقيها فى قلب تانى

دارى همومك ياقلبى
امسح دمعة عيونك
دارى جراحك وخبى
اوعى ضعفك يخونك

شايفة ضحكه فى عينيه
خليه ياقلبى فيه
وقول مبروك عليه
وروح بارك وهنى

نهرب ونروح على فين؟
ياقلبى يا مسكين
فى اى مكان نروحه
هيعذبنا الحنين

حنينى لذكرياتى
لدموعى ونار اهاتى
وصوت جواك بيصرخ
عمال عليه ينادى

زمان كان نفسى اشوفه
او حتى احس طيفه
من بعد الليله هبعد
واقول يارب صونه

يارب زود فرحته
يارب قلل دمعته
وقلب حبه ايام كتير
خارج خلاص من دنيته

دارى دمعك وخبى
اياك تضعف ياقلبى